No er Jolegåvetreet klart på Bygland. Om kort tid vil det også vere klart på Byglandsfjord, Evje og Åseral.

Jolegåvetreet fungerer slik at ein kan melde inn ønskjer, og det er heilt anonymt. Ein ønske lapp vert hengt opp på eit tre og inneheld kun eit løpenummer som er heilt anonymt.

Konseptet er slik:

Til deg som har eit ønske:🎁🎁🎁

Dei som ønskjer seg noko til jul, kan melde inn ønska sine til nokon i lista under. Det kan for eksempel vere: Jente, 7 år, Lego Friends. Den som tek i mot ønsket, held alt anonymt slik at ingen veit kven som har sendt inn ønske bortsett frå kontaktpersonen. Kontaktpersonen har teieplikt. 

Både born og vaksne kan melde inn ønskje, men gåvene skal vere til barn opp til 18 år. Me håper så inderleg at du som kjenner at dette hadde vore fint, melder det inn til nokre av kontaktpersonane under. 

Til deg som vil kjøpe ei gåve:🎄🎄🎄🎄🎄🎄🎄

Det vil stå eit juletre på Joker Bygland🎄, på Coop Byglandsfjord🎄 og på Unik i Evje sentrum, samt i Åseral🎄. Her kan du vele deg ein lapp, med eit ønskje som du har lyst til å oppfylle. Du kjøper gåva 🎁,og leverer den saman med lappen til ein av dei kontaktpunkta nemnt under. Hentar du lapp Bygland, så er det naturleg å levere gåva inn til Joker Bygland/Bygland Frivilligsentral. Hentar du lapp på Coop Byglandsfjord er det naturlig å levere gåva der eller til Byglandsfjord grendelag. Anbefalt maks pris: 500kr.

Har du ikkje moglegheit til å gjere dette, fortvil ikkje. Du kan vippse eit beløp til Evje og Hornnes Røde Kors som vil nytte det til å kjøpe inn gåver.

Kven tek i mot ønskje/gåva?:

Hovudsakleg skal ønskene meldes inn til Nav, Barnevern, eller andre instansar som kjenner behova. Dei som har eit ønskje men ikkje ein kontaktperson i nokre offentlege instansar kan kontakte nokre av arrangørane under: 

Karina Lislevand, Evje og Hornnes Røde kors: 905 07 228

May Brit Stenjord, Evje og Hornnes Sanitetsforening : 489 94 455

Evje og Hornnes Frivilligsentral: 974 18 570

Bygland Frivilligsentral: 945 10 770, eller ønskjelapp i postkasse utanfor Frivilligsentralen.

Kirsten Lømsland, Byglandsfjord grendelag: 482 56 857

PS: Du kan melde inn ønsket ditt til kven som helst. Me kan ikkje garantere at alle ønska vert oppfylt.♥♥♥♥

Jolegåvetreet er eit resultat av fleire samarbeidspartnarar. Evje og Hornnes Røde Kors, Evje og Hornnes Sanitetsforeining, Byglandsfjord Grendelag, Bygland Frivilligsentral, Evje og Hornnes frivilligsentral og kyrkjene i Evje og Hornnes.