Kvar Tysdag kjem elevar til Frivilligsentralen for å gjere ulike arbeidsoppgåver. Oppgåvane kan vere i bustadane til heimebuande eldre. Det kan til dømes dreie seg om plenklipp, vindusvask, bilvask, hausting av eple/plomme, hekketrimming, kantklipping, snømåking, rydding eller andre praktiske ting. Målet er at me skal bidra til at eldre får gratis praktisk hjelp heime, samstundes som ungdomane får oppleve gleda med å gjere ein innsats for andre.